अवनी लेखारा पेरिस पैरालिम्पिक में दू गो स्वर्ण पदक जीत के भारतीय खेल में एगो नया इतिहास रच दिहली.
नमस्कार दोस्त लोग के! आज के खबर हमनी खातिर गर्व के बात बा। भारतीय पैराशूटिंग स्टार अवनी लेखारा 2024 के पेरिस पैरालिम्पिक में एगो नया इतिहास रचले बाड़ी. बियफे 30 अगस्त के ऊ महिला दस मीटर एयर राइफल शूटिंग स्टैंडिंग एसएच1 वर्ग में आपन स्वर्ण पदक के सफलतापूर्वक बचाव कइली आ पैरालिम्पिक खेलन के इतिहास में दू गो स्वर्ण पदक जीते वाली पहिला भारतीय महिला बन गइली.
22 बरीस के अवनी लेखारा फाइनल में 249.7 अंक बनवले जवन पैरालिम्पिक के एगो नया रिकार्ड बा. ऊ आपन पिछला रिकार्ड तूड़ दिहलन जवन ऊ तीन साल पहिले टोक्यो 2020 में 249.6 के स्कोर से बनवले रहले. अवनी के इ प्रदर्शन ना सिर्फ उनुका निजी करियर के सबसे बड़ उपलब्धि बा, बालुक इ भारत के खेल इतिहास में एगो महत्वपूर्ण मील के पत्थर साबित भईल बा।
फाइनल में अवनी पहिला जगहा खड़ा होके स्वर्ण पदक जीत लिहली. दक्षिण कोरिया के ली यूनरी 246.8 अंक ले के दुसरका जगहा पर रहली जबकि भारतीय खिलाड़ी मोना अग्रवाल तिसरका जगहा पर रहली आ 228.7 अंक ले के कांस्य पदक जीत लिहली. पेरिस 2024 पैरालिम्पिक में भारत खातिर ई पहिला दू गो पदक रहलें आ खासतौर पर ई पहिला बेर एही इवेंट में डबल पोडियम पर खतम भइल।
एह उपलब्धि से अवनी लेखारा भाला फेंके वाला देवेन्द्र झाझरिया का बाद पैरालिम्पिक खेल में दू गो स्वर्ण पदक जीते वाला दुसरका भारतीय एथलीट बन गइल बाड़ी. भारत अबले कुल दस गो स्वर्ण पदक जीत चुकल बा, आ अवनी के ऐतिहासिक जीत हमनी के गर्व से भर देले बा।
अवनी लेखरा के ई सफलता भारतीय खेल प्रेमियन के त खुश कर दिहले बा बलुक पूरा देश के प्रेरणा दिहले बा. उनकर मेहनत, लगन आ प्रतिबद्धता साबित कर दिहले बा कि मन में दृढ़ संकल्प होखे त कवनो लक्ष्य असंभव ना होखे.
त आईं सभे एकजुट होके अवनी लेखरा के एह अद्भुत उपलब्धि खातिर बधाई दीं आ उहाँ के सफलता के कहानी से प्रेरित होके अपना सपना के साकार करे के दिशा में आगे बढ़ीं जा। भारत के एह महान खिलाड़ी के दिल से बधाई आ भविष्य खातिर ढेर सफलता!
--